Mujhe kuch aur kehna tha...

Woh kuch sunta to main kehta
mujhe kuch aur kehna tha...

Woh pal bhar jo thahar jata...
Mujhe kuch aur kehna tha.....

Galatfahmi ne baton ko badha daala yuhin varna....
Kaha kuch tha...woh kuch samjha...mujhe kuch aur kehna tha....

Kamaayi zindagi bhar ki usi ke naam kyun kar di...
mujhe kuch aur karna tha mujhe kuch aur kehna tha...

Kahan usne suni meri...suni bhi ansuni kar di....
use maloom tha itna mujhe kuch aur kehna tha....

rawa tha pyaar nas-nas mein...bahut kurbat thi aapas mein...
use kuch aur sun-na tha mujhe kuch aur kehna tha...
-------------------------------------------------------------------------
rawa--filled, nas-nas= in every vein, kurbat-- attachment